Соңгы арада Илсөя Бәдретдинованы Инстаграм аккаунтына романтик рух керде: ниндидер ир-ат белән төшкән фотолар, һәрчак чәчәк гөлләмәләре... Илсөябез үзе дә чәчәк кебек: көннән-көн матурлана.

– Илсөя, хәрле көн! Фотосурәтләрдәге баһадирдай ир-ат кем ул?
– Олы апам Лилиянең улы Артур. Туганым. Ул бала минем кулда үсте. 5 килограмлы һәм кып-кыска буйлы булып туды. Туп кебек иде. Алдыма алып сөя идем дә, аннары: «И, туганым, бигрәк кечкенә буйлысың, кемгә генә өйләнерсең икән?!» - дип әйтә идем. Бервакыт буйга үсеп китмәсенме?! Хәзер ул мине алдына алып: «И, апам, бигрәк кечкенәсең, кем генә сине кияүгә алыр икән?» - ди.

– Ə озын розаларны бүләк итүче кем була?
– Анысын әйтмим әле, сер.



– Бүгенге көндә нәрсә белән мәшгүльсез?
– Киләсе сезон программасын әзерлибез. Төркемемә Якутиядән бер яңа кыз алдым. Уникаль кыз. Дәү әнисе белән урманда үскән ул. Җәнлекләр һәм кошлар телендә аралаша белә. Бөтенләй башка дөнья баласы. Очындырылмаган. Акча дип башы китми. Əле безне ачулана да, янәсе, байлык куабыз дип, яныбызда йөргән рухларга да игьтибар итмибез икән.
Яңа кызыбыз безнең эстрада өчен ят булган музыкаль коралларда уйнаячак һәм минем кайбер җырларны җәнлекләр тавышы белән бизиячәк. Яңа концерт программасында очрашканга кадәр!


Илсөя Бәдретдинова: «Ул мине хәзер алдына алып сөя»

Тулысынча укырга


Фирдүс Тямаев белән Резидә Әхмәтвәлиеваның икенчегә бәби алып кайтырга җыенганлыклары сер түгел инде. Ә менә кемне көтәләр - әлегә билгесез. Фотоларга күз салыгыз әле, сез ничек уйлыйсыз: кызмы, малаймы?




Фирдүс белән Резидә кемне көтә: кызмы, малаймы? (ФОТО)

Тулысынча укырга


Лилия Муллагалиева Актаныш районы Зөбәер авылында туып-үскән. Әтисе Әбугали аны үз урынына баш бухгалтер итеп калдырырга хыялланган. Әмма язмыштан узмыш юк: булачак җырчы финанс институтына керәм дип йөргәндә “Сандугач керде күңелгә” конкурсында катнаша. Конкурсның шарты буенча беренче урынны алган кеше Мәдәният институтына имтихансыз укырга керә.
Тәкъдир кыз баланы институтка кертә... Бүгенге көндә Лилия шәхси эшмәкәр: ИП Муллагалиеваны җитәкли. Үзе бухгалтер, баланс, салымнарны да үзе эшли. Программа, хатлар аның аркылы үтә. Бик күп артистлар аның аша эшли. Шулай итеп, тормыш бухгалтер булырга да өйрәтә аны, дип яза Акчарлак.
 


– Безнең гаиләдә әти һәрвакыт беренче урында торды. Ул: “Эш, эш, эш, тормыш – көрәш!” – дип кабатлый иде. Эшләп үскән бала гына тормышта нык тора, авырлыкларга бирешми. Малларны күп үстердек. 14-15 олы терлектән соң 50 баш сарыгыбыз бар иде. Җырлый-җырлый 40ар чиләк чөгендер турый идем. Өчәр сәгать буе. Мин аны теләп тураганмы әллә?! Телисеңме, теләмисеңме – ияләнәсең, аннары ул бер шөгыльгә әйләнә. Аннары аны көн саен көтеп ала башлыйсың. Балаларыбызны да эш белән үстерәсе килә.

                                                                                                                   Матбугат.ру

Лилия Муллагалиева: "Мин аны теләп тураганмы әллә?"

Тулысынча укырга


Булат Бәйрәмов белән Ләйсән Гыймаева… Ике уңган, ике тырыш, ике талант… Әле аларга гына хас күркәм сыйфатларны тагын тагын да санарга була, һичюгы шуларның берсен генә өстик: икесе дә милли рухта тәрбияләнгән чын татар баласы! Чүлмәк эче тышыннан беленә, дигәндәй, кызларының исеме үк шул хакта сөйли: Таңсылу һәм Зифа… Әллә хикмәт төп-тамырда микән?
Булат тарихи мәдрәсәсе, шунда укыткан һәм укыган шәхесләре белән танылган Иж-Бубый авылы егете. Бәлки аңа шул чордагы миллилек ата-бабалардан «йогып» калгандыр? Әнә бит абыйсы, иганәче Искәндәр Җиһангәрәев бүген Бубийлар мирасын барлап-туплап яшь буынга җиткерү юнәлешендә нинди зур эшләр башкара! Ә Ләйсән Зөлфәт, Наис Гамбәров кебек шигърият патшаларын тудырган, җырларда җырланган гүзәл табигатьле Мөслим кызы! Серле камышларга төренеп аккан Ык елгасының сагыш-моңнары аның да тавышына күчкәндер, мөгаен. 2003 елда кыз «Яшьлегем чишмәләре» җыры белән шаккатырган иде. Халык арасында яшен тизлеге белән таралды ул, һәм дистә-дистә еллардан соң да без аны яратып тыңлыйбыз әле. «Ул хитка әйләнгәннән соң борын чөймәдегезме соң?» – дигәч, Ләйсән тыйнак кына: «Юк, моны бары тик киләчәк иҗатыма аванс дип кенә кабул иттем», – ди. Ул бар булмышы белән эстрада җырчысы, ә менә Булат турында «фәлән» дип кистереп кенә әйтүе кыен. Егет диджей, концертларда сүз остасы, телевидениедә төрле-төрле тапшырулар алып баручы… Тикмәгә генә үзенә Бәйрәмов тәхәллүсе сайламаган икән, кайда Булат – анда чынлап та бәйрәм рухы сизелә. Гитара уйнавын, җырны күңел халәтем дип санавын да искәртсәк – күпкырлы иҗат кешесе!



Кем уйлаган?
 
Адәм баласының эчке халәте күзендә чагыла. Гыймаева-Бәйрәмовлар (Җиһангәрәев) гомер сукмагыннан унбишенче ел бергә атлый, әгәр без бу икәүнең мәхәббәт учагы әүвәлгечә дөрләп, ялкыны күк йөзен өтә дисәк, төче тоелыр, моңа берәү дә ышанмас иде. Ә күз –көзге… Алар әүвәлгечә бер-берсенә яратып, назлап карый… Шулай күреник дип кыланмый. Билгеле, Ләйсәндә әз-мәз ару-талу сизелә. Кыз бала канаты да ныгымаган килеш бик иртә оясыннан оча шул: Лениногорск музыка училищесын тәмамлагач Казан гуманитар-педагогика университетының музыка факультетына укырга килә. Максат зур – җыр! Хыял канатлары биектә: тамашачыга күренү, конкурсларда катнашу. Остазы Мингол Галиев кызның сәләтен бәяләп Рөстәм Закиров төркеме белән гастрольләргә чыгарып җибәрә. Сәхнә генә диясе дә түгел бит, укуны да өзмәскә, имтиханнарда да сынатмаска кирәк.
 
Аның кебек үк «бал корты» Булатка да Казанда әзерләп тормаганнар. Гаиләдә ике студент (әтисе вафат), олы абыйларының яңа гына гаилә корган чагы. Егет эшләп укый, бер ара төнлә Бауман урамы подвалларын чистарта.
 
– Факультет кырыендагы киосктан гел гәҗит ала идем, – ди ул. – Беркөнне сатучы апа: «Киоскның төсе уңды, буярга иде», – дигәч: «Күпме түлисез?» – дип сорадым. «Илле тәңкә», – ди. Ризалаштым. Акча кирәк! Мин буйыйм, ә төркемдәшләр елмаеп-көлеп янымнан уза! Аннары 27 нче гимназиядә музыка дәресләре дә укыттым. Эштән чирканмадым мин.
 
Егет белән кыз икесе ике тарафта тормыш атының ялына ябышып көн итсә дә, аларны, билгеле, университет берләштерә. Арча педагогия көллиятенең кичәге студенты керү имтиханнары биреп йөргәндә үк Ләйсәнгә күз сала! Аһ, аның йөрәкне яндырып каршыдан гына үтеп китүләре! Башын горур гына чөеп, исәнләшмичә генә! Ә бүтән кыз-кыркын егетләр тирәсендә чыпчыклар кебек чыркылдаша. Хәер, укулар башлангач «төнбоек чәчәге» ачылып, төркемдәшләре белән дуслаша.1
 
– Ничек инде мин ят кешеләр белән шунда ук аралашыйм ди! – Ләйсән бүген ул көннәрне көлеп кенә искә төшерә. – Әле Булатка карата миндә бер хис тә юк иде. Һәммәбез дә тулай торакта яшибез. Ул иптәшләре белән безнең бүлмәгә чәй эчәргә керә иде. Гитарада шәп уйный. Бүлмәдәш кызым аңа мөкиббән, гел күзенә карап утыра иде. Бу моны ошата инде, егет тә аның өчен генә безгә ешлады дип нәтиҗә ясадым. Аның күңеле миндә икән дип кем уйлаган! Миндә егетләр кайгысы идемени: беренче чиратта – уку һәм иҗат. Остазым Миңгол абый да: «Сиңа егетләр турында уйларга иртәрәк», – дип кисәтте. Ә Булат артымнан озак чапты. Мин аны кудым да кудым гына.
 

 
Яратыгыз гына, яратыгыз!
 
Ә Булат чигенми. Хәтта ки Миңгол абыйның: «Ләйсән артыннан йөрмә инде, ул шәһәрдә калачак», – дигән киңәшен дә колагына «элми». Уку йорты белән тулай торак арасы – кул сузымында гына. Көндез лекцияләрдән соң тиз генә тамак ялгыйлар да, яңадан баян дәресләренә ашыгалар. Бер класста Ләйсән, икенчесендә Булат уен серләренә өйрәнә-өйрәнә шәһәргә караңгы иңә. Шуны сәбәп итеп егет кызны озатып кайта. Кайчакта Бауман урамын урыйлар, паркта һава сулыйлар.
 
– Мин Булатның акыллы, тәртипле, тәрбияле кеше икәненә инандым, – ди Ләйсән. – Әмма уку теләге көчлерәк иде. Ул университеттан соң үзебезнең авылга кайтам диде, бу нәрсә мине сагайтты. Зур сәхнәләр турында хыялланган мин, әгәр аңа иярсәм, иҗат белән хушлашыр идем.
 
Булатның авылга ашкынуы аңлашыла. Әнисе – ялгыз, аннары ул үзен мәрхүм директор әтисенең дәвамчысы итеп саный. Мәктәп коллектив да аны дүрт күз белән көтә. «Рөстәм малайлары тырыш», – дигән даннары бар. Ләкин язмыш барысын да үзе көйли. Соңгы курста телгә оста егетне «Татар радиосы»на эшкә чакыралар. Әлбәттә, ул, әнисенең хәер-фатихасы белән Казанда төпләнеп кала. Ничек кенә яраткан кешемнең йөрәген яулыйм икән диясе түгел, кыз хәзер аны кумый инде, очрашу-күрешүләр ешая. 2003 елда нигезенә мәхәббәт түшәлгән гаилә ярала.
 
– Без 9 майда никах укыттык, – ди Ләйсән. – «Кыз озату» бәйрәмен дә авылда уздырдык. Булат икесендә дә соңга калды. Аларның юлда машинасы ватылган икән, кесә телефоны тотмый. Күңел шомланды, әллә мәйтәм өйләнми микән, кире уйлады микән? Шөкер, 3 сәгатьтән соң кайттылар. Унбиш ел без бергә, бу еллар күз ачып йомган арада узды. Беренче мәлләрдә әзрәк әрләшсәк, мин елый идем. Булат болай тыштан гына гади күренә, ул беркайчан да үз фикереннән ваз кичми. Яши-яши бер хакыйкатькә төшендем: Булатны үзгәртергә маташу файдасыз, аны ничек бар, шул килеш кабул итәргә кирәк.
 


Булат та үз фәлсәфәсен куәтли:
 
– Хатын-кыз ирләр кабыргасыннан ясалган, турайтам дисәң – сындырасың, ә сынык әйбер нәрсәгә» – дигән бит. 
 
Гыймаева-Бәйрәмовларның чираттагы тамашасы «Хатын + Ир 2» дип атала. Талантлы яшь артистларыбыз аңа да «Яратыгыз!» дигән мәгънә салган кебек.
 
Яратыгыз!


Нәбирә Гыйматдинова, Сәхнә

Ләйсән Гыймаева: Булат артымнан озак чапты. Мин аны кудым да кудым гына

Тулысынча укырга


Волгоград шәһәрендә суд приставлары бүлегендә бер гаҗәеп вакыйга булган, суд приставлары үзләре бу турыда дулкынланмый сөйли дә алмый. Ә хәл болай була.
Бала тудыру йортларының берсендә әни кешегә баланың бик зәгыйфь тууын, бер атна гына яши алачагы турында хәбәр итәләр. Кайгыдан башын югалткан ана, озак уйлаганнан соң, баласыннан баш тарту кәгазе язып дәваханәдән чыгып китә. Әмма биш көн үткәч ул яңадан дәваханәгә барып баланы бирүләрен сорый, әмма аның инде якты дөнья белән хушлашуын хәбәр итәләр.+
 
Җиде ел үтә, йөрәк яралары азрак уңала. Әмма Яңа ел алдыннан суд приставларына балалар йортыннан алимент юллаулары турында документ килеп ирешә. Суд приставлары ятимнәр йортында тәрбияләнүче баласына алимент түләмәгән ананың банк исәпләренә арест салалар. Берни аңламаган хатын икенче көнне үк хәлне ачыкларга керешә. Аңа документларны күрсәтәләр һәм... хатын аңын югалтып егыла.
 
Ир белән хатын шунда ук балалар йортын һәм инде җиде ел исән түгел дип санаган балаларын эзләп табабалр. Суд аша ата-ана хокукын тергезеп, алар баланы үз өйләренә алып кайта һәм яңа 2018 елны бала әти-әнисе белән каршы ала.

Үлгән дип уйлаган бала тере икән...

Тулысынча укырга


Мәликәнең татарча җырлавы хәзер ишетелми диярлек. Аның каравы, без аны хәзер Татарстаннан читтә иҗат итүен күреп торабыз. Йә ул илкүләм танылган актерлар белән берәр кинода төшә, йә Казахстанда кадәр барып музыкаль конкурста илебез данын яклый.

Һәм менә яңа үр яуланган. Россиядә иң популярлардан саналган "МУЗ-ТВ" каналы шушы көннәрдә Мәликәнең берничә чыгышын бирде. Җырчы бер-бер артлы "Луна в скорпионе" һәм "Мы сойдем с ума" җырларын башкарды. Видеодан күренгәнчә, Мәликәбезне тамашачы бик җылы кабул итте. Видеоны Russian Music ютуб-каналы да элеп куйган. Карыйбыз:



Матбугат.ру

Мәликәне МУЗ-ТВ каналы зурлап күрсәтте (ВИДЕО)

Тулысынча укырга


- Әтисез беренче яз. Быел аңа 50 яшь тулган булыр иде. Тик булмады. Шул уйлар күңелне хаман да тырнап тора.
Ничә генә ай узмасын, вакыт дәваламый, йөрәк әрнеүләре сүрелми. Иртән уянгач та өмет белән күзләремне ачам. Ник соң бу ямьсез төш кенә булмады?! Бер дә ышанасы, килешәсе килми. Күккә карап, “Сез ялгыштыгыз!” – дип кычкырасы килә кайчак. Дөрес түгел бу!


Әтиемнең туган көнен бер дә бәйрәм иткәне булмады. Иртән торып котлаулар сибелгәч кенә туган көне икәне хәтеренә төшә иде. Соңгы туган көнендә кафеда утырды. Юк, бәйрәм итеп түгел! Тамагы ачкан да, ашарга дип кергән. Шунда мин: “Әти, киләсе елны синең – юбилей, әйдә бер генә тапкыр булса да билгеләп үтик”, - дидем. Ул шундук җавап бирә: “Буламы соң, кит!”. Әмма мин аны ризалаштырдым. Тик булмады.

Фото-видеоязмалары бераз гына булса да күңелемә якты нур сибә. Оештыручылар әтиемнең туган көне уңаеннан концерт ясыйк дигәч, бик сөендем. 5 апрельне дулкынланып көтәм. Әйтерсең, әти белән очрашырга барам. Эндәшмәсә дә, кулыма кагылмаса да, мин беләм, ул – янымда. Һәрвакыттагыча, нәрсә генә эшләсәм дә, мине яклап тора...

Зоя СОЛОШИНА
Шәһри Казан

Илфак Шиһаповның кызы Зәринә: «Дөрес түгел бу!»

Тулысынча укырга


- Күптән түгел сәер хәлгә тарыдым. Кич. Йоклар алдыннан, гадәттәгечә, шкафтан мендәрләрне алдым, урын җәйдем.

Йоклап китә алмыйм. Мендәрне әйләндереп, уңайлырак итеп ятырга булдым. Һәм шулчак мендәрдән әнинең исе килде. Дөресерәге, аның хушбуеның исе.


DKNY духие, әни аны «яшел алма» дип йөртә иде. Элек ул безгә кунакка килеп киткәч шул ис кала иде. Ə бит соңгы тапкыр килгәненә күпме вакыт үтте, аннары, мендәр тышлары да бер генә кат юылмады. Юк, мине акылдан шашкан димәгез! Уйга чумдым: бәлки ул минем янга әле дә куна киләдер?!..


Синсез - ярты ел... Беләм, иртәгә төшемә керәчәксең, чөнки алты ай буе айның нәкъ шушы көнендә яныма килеп юатасың. «Яшәргә кирәк, балам»...

Зоя СОЛОШИНА
Шәһри Казан

Хәния Фәрхинең кечкенә кызы - Алсу Биктаһирова: «Юк, мине акылдан шашкан димәгез!»

Тулысынча укырга

На сайте ведутся технические работы.