18 яшь тулган көн белән иң матур татарча котлаулар һәм шигырьләр

Унсигез яшь — кеше гомеренең иң гүзәл, иң якты һәм кабатланмас чагы. Бу вакытта алда бөтен тормыш, зур хыяллар һәм ачылмаган офыклар тора. Биредә сез егетләрне һәм кызларны 18 яшьлек туган көннәре белән котлау өчен иң матур татарча теләкләр, чәчмә (проза) сүзләр һәм тирән мәгънәле шигырьләр табарсыз. Якыннарыгызның бу истәлекле бәйрәменә үз күңел җылыгызны өстәгез!

18 яшькә иң яңа чәчмә (проза) котлаулар

Кадерлебез! Сине чын күңелдән тормышыңның иң якты, иң истәлекле бәйрәме – 18 яшьлек туган көнең белән котлыйбыз! Унсигез яшь – ул балачак белән хушлашу һәм олы тормышка беренче адымнар ясау чоры. Бу яшьтә кеше алдында меңләгән юллар ачыла, зур хыяллар туа. Сиңа шул юлларның иң турысын, иң бәхетлесен сайларга язсын. Тормыш сиңа бары тик уңай сюрпризлар гына әзерләсен, яныңда һәрвакыт тугры, чын дусларың, яратучы туганнарың булсын. Максатларыңа ирешү өчен сиңа бетмәс-төкәнмәс көч-куәт, таудай сабырлык һәм корычтай сәламәтлек телибез. Киләчәгең кояшлы иртәдәй якты, уй-ниятләрең чишмә суыдай саф булсын. Бәхет йолдызың гомер буе синең юлыңны яктыртып барсын! Һичкайчан моңсуланма, авырлыклар алдында баш имә, һәрвакыт алга омтылып, шатланып яшә!

Хөрмәтлебез! Бүген синең тормышыңда гаҗәеп матур, кабатланмас көн – сиңа 18 яшь тулды! Бу – яшьлекнең иң чәчәк аткан, күңелнең дәрт-дәрман белән тулып ташкан, күзләрнең бәхеттән очкынланган вакыты. Сине шушы олуг бәйрәмең белән тәбрик итеп, күңел түреннән чыккан иң изге теләкләребезне юллыйбыз. Тормышыңның һәр көне бәйрәм кебек күңелле, истәлекле вакыйгаларга бай булсын. Яшьлек дәртең сине яңадан-яңа биеклекләргә әйдәсен, ә укуыңда һәм сайлаган һөнәреңдә зур уңышлар көтсен. Ходай тәгалә сине саулык-сәламәтлектән аермасын, кайгы-хәсрәт күрсәтмичә, тигезлектә, муллыкта яшәргә насыйп итсен. Мәхәббәтең саф һәм гомерлек булсын, йөзеңнән елмаю беркайчан да китмәсен. Бәхетле бул, кадерлебез!

Газиз балабыз! Күз ачып йомганчы 18 елга тигез булган гомер узып та китте. Бүген син инде мөстәкыйль, олы тормыш юлына баскан җитлеккән кеше. Сине туган көнең белән кайнар котлыйбыз! Тормыш дигән катлаулы, әмма бик кызыклы сәяхәттә сиңа бары тик изге күңелле, ярдәмчел кешеләр генә очрасын. Адымнарың ышанычлы, уйларың якты, күңелең һәрвакыт саф булсын. Ни генә булса да, кешелеклелегеңне югалтма, намус белән яшә. Ата-ана фатихасы сине гомерең буе саклап йөртсен, һәр башлаган эшең уңыш белән тәмамлансын. Иң мөһиме – сәламәт бул, чөнки сәламәтлек булса, калган бар нәрсәгә дә ирешеп була. Тормышың матур җыр кебек аһәңле, чәчәк атучы яз кебек ямьле булсын. Без сине бик яратабыз!

Күңелгә үтеп керә торган 18 яшь теләкләре

Кадерле ... ! Сине Ай янындагы Зөһрә йолдыз сыман балкып торган 18 яшең белән котлыйбыз! Кызарып баеган кояшның балкуы, йолдызларның сихри җемелдәве матур, әмма кеше гомеренең яшьлек таңына ни җитә! Мин сиңа тормыш юлында көч түкмичә җиңел бирелә торган бәхет теләмим. Юлың катлаулы да, сикәлтәле дә булсын, алай яшәве мәгънәлерәк, рәхәтрәк. Син, шуңардан тәм, ләззәт табып алга омтыл. Мәхәббәтең су өстендәге ак төнбоектай чәчкә атсын, бәхетеңнең якты бизәкләре күңелеңә энҗемәрҗән булып ятсын, сөяргә-сөелергә Ходай насыйп итсен, хыялларың тормышка ашсын!

Юллама: Сәмига Сәүбанова “Бәйрәмнәр, туйлар өчен” – “Раннур” нәшрияте, Казан, 1999.

Кадерле ... ! Бүген сиңа 18 яшь. Балигъ булып, тормышның ыгы-зыгылы, аклы-каралы, шатлыклы һәм бер үк вакытта мәшәкатьле дә юлына чыгып бастың. Аның һәр мизгеле җаваплы да, рәхәт тә, авыр да, күңелле дә. Шушы шатлыклы, куанычлы көнеңдә сиңа язның дәртле сулышын, җәйнең сафлыгын, айның серлелеген, йолдызларның гүзәллеген, җан-бәгырьнең түземлеген, мәхәббәтнең олысын, бәхетнең тулысын телим!

Юллама: Сәмига Сәүбанова “Бәйрәмнәр, туйлар өчен” – “Раннур” нәшрияте, Казан, 1999.

18 яшьлек туган көнгә котлау шигырьләре

Сөйкемле ... туташ! Сиңа карап дулкынланган Күгәрченнәр гөр килә. Берсе елый, берсе җырлый: “18 яшь бер килә... Канатлары каурыйланган – Туган оя тар булыр. Тиздән очар бу чибәркәй, Кемгә насыйп яр булыр?”. Күгәрченнәр сине күреп Хисләнәләр-гүлиләр. Сиңа бәхет, яхшы кияү, Озын гомер телиләр! Без дә кушылабыз!!!

Юллама: Сәмига Сәүбанова “Бәйрәмнәр, туйлар өчен” – “Раннур” нәшрияте, Казан, 1999.

18 яшь. Саф мәхәббәт Утларында янган чак. Изүләрне ачып куеп Җилгә каршы барган чак. Күңелләрең канатланган, Каннар кайнап торган чак, Былбылларны заказ биреп кенә сайраттырган чак. Гомернең иң гүзәл чагы, Шәп чагы, юләр чагы. Бар гомереңә җитәрлек Иттереп гүләр чагы. Сөешеп һәм сөелешеп, Уйнап та көлеп калыйк. Унсигез яшь кабатланмый — Кадерен белеп калыйк. Яшь гомерләр кабатланмый, Бәйрәмнәр кабатлансын. Унсигез яшь — канатлы чак, Җаннарда канат калсын. Җаннарда канат калсын да Давыллар ярып барсын. Гомерләрнең һәрбер көне Бәхеткә алып барсын.

Бүген сиңа 18 яшь тулды Самимилек әле йөзеңдә. Ирешәсе үрләр шундый биек Хыялларың чиксез диңгездәй. Тормыш юлың гел чәчәктән тормас, Авыр чакта, балам, бул түзем Якыннарың белән татулыкта яшә, Истә тотып өлкәннәр сүзен. Йөзеңдәге якты кояш Нурын чәчсен гомер-гомергә Хыялларың белән мөмкинлегең Юллар ярып барсын гел бергә!