Батып үлгән улы янына кайтучы ана юл һәлакәтенә очраган (ФОТО)

 

 9 август 16 сәгать 25 минутта Саба районында, Саба – Теләче автоюлында юл-транспорт һәлакәте булды.
Ике җиңел автомобильнең бәрелешүе нәтиҗәсендә 6 кеше зыян күрде. Бөтен зыян күргән кешеләрне: уртача авыр хәлдәге 5 кешене Саба ашыгыч ярдәме бригадасы, авыр хәлдәге бер зыян күргән хатынны Республика һәлакәт медицинасы үзәгенең бригадасы республика клиник хастаханәсенең травматолия үзәгенә тапшырдылар. Аварияне китереп чыгаручы Нократ Аланы кешесе Казаннан кайтышлый тизлекне арттырып, узгынга чыга һәм каршы полосадан хәрәкәт итүче “ЛАДА”га килеп бәрелә. Нәтиҗәдә “ЛАДА”дагы йөртүче һәм 4 пассажир имгәнә. Алар – ике хатын-кыз балалары белән (берсенең ире) Сабабаштагы әниләренә кунакка кайткан булалар. Хатын-кызларның берсе улының суга батып үлүе турында хәбәр алгач, Казанга ашыгалар, әмма үзләре дә фаҗига юлыгалар, дип яза "Саба таңнары" газетасы.


 
   
  

  

  

  

  

  


Фикерләр
Укырга киңәш итәбез × +
Батып үлгән улы янына кайтучы ана юл һәлакәтенә очраган (ФОТО)
4/ 5
Oleh