"Евровидение"гә Татарстаннан тагын бер кыз бара


“Балалар Евровидение”сендә Россия данын 11 яшьлек Казан кызы – Даяна Кириллова яклаячак. Мәскәүдә – бәйгенең Россия күләмендәге сайлап алу этабында якташыбыз дүртенче булып чыгыш ясаган. Ул башкарган “Хыяллан” (“Мечтай”) җыры жюри һәм тамашачының күңеленә хуш килгән.



Даяна – Динә Гарипованың якташы. Кыз 4 яшеннән бирле Элеонора Калашникованың эстрада остаханәсендә шөгыльләнә, “Барби-коктейль” ансамблендә җырлый. Ул халыкара һәм Россиякүләм бәйгеләрдә, шул исәптән, республиканың “Йолдызлык” бәйгесендә дә җиңү яулаган, “Детская новая волна”, “Славянский базар” проектларында катнашкан.


“Балалар Евровидение”сенең Мәскәүдә узган сайлап алу турында барлыгы 18 яшь башкаручы катнашкан. Аларны тыңлаган жюри әгъзалары арасында җырчы Юлия Савичева, композиторлар Лариса Рубальская, Григорий Гладков, клипмейкер Александр Игудин һәм “Россия” телеканалының генераль продюсеры Геннадий Гохштейн булган.

Быел “Балалар Евровидение”се Украинада узачак. Даяна Кириллова Киевта 30 ноябрьдә чыгыш ясаячак.
Фикерләр
Укырга киңәш итәбез × +
"Евровидение"гә Татарстаннан тагын бер кыз бара
4/ 5
Oleh